Manoratha Siddhiprada Ganesha Stotra – मनोरथसिद्धिप्रद गणेश स्तोत्रम् – नमस्ते योगरूपाय सम्प्रज्ञातशरीरिणे।

“मनोरथसिद्धिप्रद गणेश स्तोत्रम्” एक अत्यंत प्रभावशाली स्तोत्र है जो भगवान श्री गणेश जी की कृपा से साधक की सभी इच्छाओं को पूर्ण करने में सहायक माना जाता है। इस स्तोत्र का पाठ करने से भक्तों की मनोकामनाएं पूर्ण होती है इस स्तोत्र का पाठ प्रातः काल या किसी शुभ कार्य के पहले करने से विशेष लाभ प्राप्त होता है। विशेषकर जब व्यक्ति किसी नए कार्य का आरंभ कर रहा हो या संकट के समय में हो, तब इसका पाठ अद्भुत परिणाम देता है।

|| मनोरथसिद्धिप्रद गणेश स्तोत्रम् ||

। स्कन्द उवाच ।
नमस्ते योगरूपाय सम्प्रज्ञातशरीरिणे ।

असम्प्रज्ञातमूर्ध्ने ते तयोर्योगमयाय च ॥ १॥

वामाङ्गभ्रान्तिरूपा ते सिद्धिः सर्वप्रदा प्रभो ।

भ्रान्तिधारकरूपा वै बुद्धिस्ते दक्षिणाङ्गके ॥ २॥

मायासिद्धिस्तथा देवो मायिको बुद्धिसंज्ञितः ।

तयोर्योगे गणेशान त्वं स्थितोऽसि नमोऽस्तु ते ॥ ३॥

जगद्रूपो गकारश्च णकारो ब्रह्मवाचकः ।

तयोर्योगे हि गणपो नाम तुभ्यं नमो नमः ॥ ४॥

चतुर्विधं जगत्सर्वं ब्रह्म तत्र तदात्मकम् ।

हस्ताश्चत्वार एवं ते चतुर्भुज नमोऽस्तु ते ॥ ५॥

स्वसंवेद्यं च यद्ब्रह्म तत्र खेलकरो भवान् ।

तेन स्वानन्दवासी त्वं स्वानन्दपतये नमः ॥ ६॥

द्वंद्वं चरसि भक्तानां तेषां हृदि समास्थितः ।

चौरवत्तेन तेऽभूद्वै मूषको वाहनं प्रभो ॥ ७॥

जगति ब्रह्मणि स्थित्वा भोगान्भुंक्षि स्वयोगगः ।

जगद्भिर्ब्रह्मभिस्तेन चेष्टितं ज्ञायते न च ॥ ८॥

चौरवद्भोगकर्ता त्वं तेन ते वाहनं परम् ।

मूषको मूषकारूढो हेरम्बाय नमो नमः ॥ ९॥

किं स्तौमि त्वां गणाधीश योगशान्तिधरं परम् ।

वेदादयो ययुः शान्तिमतो देवं नमाम्यहम् ॥ १०॥

इति स्तोत्रं समाकर्ण्य गणेशस्तमुवाच ह ।

वरं वृणु महाभाग दास्यामि दुर्लभं ह्यपि ॥ ११॥

त्वया कृतमिदं स्तोत्रं योगशान्तिप्रदं भवेत् ।

मयि भक्तिकरं स्कंद सर्वसिद्धिप्रदं तथा ॥ १२॥

यं यमिच्छसि तं तं वै दास्यामि स्तोत्रयंत्रितः ।

पठते शृण्वते नित्यं कार्तिकेय विशेषतः ॥ १३॥

इस स्तोत्र का नित्य पाठ कर पाएं भगवान गणपति का आशीर्वाद, जिससे सभी मनोकामनाएं होंगी पूर्ण